കവരത്തി: മിനിക്കോയ് പോക്‌സോ കേസ് പ്രതികള്‍ക്ക് ഇരട്ടജീവപര്യന്തം വിധിച്ച് കവരത്തി സെഷന്‍സ് കോടതി. മിനിക്കോയ് സ്വദേശികളായ മൂസ, നൂര്‍ജഹാന്‍ എന്നീ പ്രതികളെയാണ് കവരത്തി സെഷന്‍സ് കോടതി ശിക്ഷിച്ചത്.
2016ല്‍ മിനിക്കോയ് പോലീസ് സ്‌റ്റേഷന്‍ പരിധിയിലുണ്ടായ പോക്‌സോ കേസിലാണ് സുപ്രധാന വിധി.കേസിലെ ഐ.ടി വകുപ്പുകള്‍ ഒഴിവാക്കിയെങ്കിലും കോടതി ഇരുവര്‍ക്കും കഠിനശിക്ഷ വിധിക്കുകയായിരുന്നു. നിലവില്‍ കവരത്തി ജയിലിലുള്ള പ്രതികളെ കണ്ണൂര്‍ സെന്‍ട്രല്‍ ജയിലിലേക്ക് മാറ്റും.