കവരത്തി: ലക്ഷദ്വീപ് അഡ്മിനിസ്ട്രേഷന്റെ ജനദ്രോഹനയങ്ങൾക്കെതിരെ ലക്ഷദ്വീപ് ടെറിട്ടോറിയൽ കോൺഗ്രസ് കമ്മിറ്റിയുടെ നേതൃത്വത്തിൽ കവരത്തി സെക്രട്ടറിയേറ്റിലേക്ക് മാർച്ച് നടത്തി. എൽ.ടി.സി.സി പ്രസിഡന്റ്‌ ഹംദുള്ളാ സഈദ് മാർച്ച്‌ ഉദ്ഘാടനം ചെയ്തു.
മരുന്നു ക്ഷാമം, കപ്പൽ ജീവനക്കാരുടെ ശമ്പള പ്രതിസന്ധി, ജോലിയിൽനിന്നുമുള്ള പിരിച്ചുവിടൽ, പാചക വാതക ലഭ്യതക്കുറവ് എന്നീ പ്രശ്നങ്ങൾ ഉന്നയിച്ചായിരുന്നു സമരം. കോൺഗ്രസ് ഓഫീസിൽ നിന്ന് ആരംഭിച്ച മാർച്ചിൽ എൽ.ടി.സി.സി അംഗങ്ങൾ, കവരത്തി ബ്ലോക്ക്, യൂത്ത്, എൻ.എസ്.യു.ഐ, മഹിളാ കോൺഗ്രസ്സ് അംഗങ്ങളും പങ്കെടുത്തു.