മാലിന്യ നീക്ക സ്തംഭനം- പ്ലാസ്റ്റിക് മാലിന്യങ്ങള് കുന്നുകൂടുന്നു
ചെത്ത്ലാത്ത്- മണ്ണില് അലിഞ്ഞ് ചേരാത്ത പ്ലാസ്റ്റിക് പോലെയുള്ള മാലിന്യ വസ്തുക്കള് ശേഖരിക്കുന്നതിനായി പരിസ്ഥിതി വകുപ്പ് നാട്ടില് സ്ഥാപിച്ചിരിക്കുന്ന മാലിന്യ ശേഖഖരണ പാത്രങ്ങള് (waste bin) മിക്കതും നിറഞ്ഞിരിക്കുകയാണ്. കഴിഞ്ഞ 7 മാസത്തോളമായി ഇതിന്റെ നീക്കം സ്തംഭിച്ചതിനെ തുടര്ന്നാണിത്. പരിസ്ഥിതി വകുപ്പ് സ്ഥാപിച്ച പാത്രങ്ങളാണെങ്കിലും ഇതിനെ എടുത്തുമാറ്റുന്നതിനുള്ള തൊഴിലാളികളെ പഞ്ചായത്ത് മുഖേനയാണ് എടുക്കുന്നത്. എന്നാല് മാസങ്ങള്ക്ക് മുമ്പ് ഈ വകുപ്പിലെക്കുള്ള ഫണ്ട് തീര്ന്നതാണ് തൊഴിലാളികളെ എടുക്കാന് സാധിക്കാത്തതായി അധികാരികള് പറയുന്നത്. ഫണ്ടിനായി നിരവധി തവണ മേലധികാരികള്ക്ക് കത്ത് അയച്ചിട്ടും ഇതുവരെയായി നടപടിയൊന്നു മുണ്ടായില്ലെന്ന് ബന്ധപ്പെട്ടവര് ദ്വീപ് ഡയറിയോട് പറഞ്ഞു. പ്ലാസ്റ്റിക് മാലിന്യങ്ങള് ഇങ്ങനെ കുന്ന് കൂടുന്നത് നാടിനും നാട്ടുകാര്ക്കും ഏറെ ഭീഷണിയാവുകയാണ്.