DweepDiary.com | ABOUT US | Friday, 29 March 2024

കൽപേനി സ്കൂളുകളുടെ പേര് മാറ്റിയതിനെതിരെ എൽ.എസ്.എ പ്രതിഷേധം സംഘടിപ്പിച്ചു

In main news BY P Faseena On 03 February 2023
കൊച്ചി: കൽപേനിയിൽ സ്കൂളുകളിലെ പേരുകൾ നീക്കം ചെയ്ത സംഭവത്തിൽ ലക്ഷദ്വീപ് ഭരണകൂടത്തിനും വിദ്യാഭ്യാസ വകുപ്പിനുമെതിരെ കൊച്ചി ലക്ഷദ്വീപ് അഡ്മിനിസ്ട്രേറ്റീവ് ഓഫീസിലേക്ക് എൽ. എസ്.എ പ്രതിഷേധം സംഘടിപ്പിച്ചു.
ദ്വീപിലെ പ്രഥമ ചീഫ് കൗൺസിലറായ ഡോ. കെ.കെ മുഹമ്മദ്‌ കോയയുടെയും ദ്വീപിലെ ആദ്യ അധ്യാപികയായ സി.എൻ. ബീവി എന്ന ബിയുമ്മയുടെയും പേരുകളാണ് ലക്ഷദ്വീപ് ഭരണകൂടം നീക്കം ചെയ്തത്. പകരം നേതാജി സുഭാഷ് ചന്ദ്രബോസ്സിന്റെയും സർദാർ വല്ലഭായി പട്ടേലിന്റെയും പേരുകളാണ് സ്കൂളുകൾക്ക് പുനർ നാമകരണം ചെയ്തിട്ടുള്ളത്.
സ്വാതന്ത്ര സമര സേനാനികളുടെ പേര് നൽകുന്നതിൽ എതിർപ്പില്ല എന്നാൽ അത് ദ്വീപിലെ പ്രാദേശിക നേതാക്കളുടെ പേരുകൾ നീക്കം ചെയ്ത് കൊണ്ടാവരുത് എന്ന് എൽ. എസ്.എ വ്യക്തമാക്കി. പ്രതിഷേധത്തിൽ എൽ.എസ്.എ കേന്ദ്ര കമ്മിറ്റി പ്രസിഡന്റ്‌ സയ്യിദ് മുഹമ്മദ് അനീസ്, ജനറൽ സെക്രട്ടറി മുഹമ്മദ് സഫറുള്ള ഖാൻ എന്നിവർ സംസാരിച്ചു.

SHARE YOUR FEEDBACK

RECENT IN THIS CATEGORY