കവരത്തി: ലക്ഷദ്വീപ് എൻ.സി.പി അണികൾ മർഹും പി.എം സഈദിന് നേരെ നടത്തിയ വിദ്വേഷ പരാമർശത്തിൻ്റെ പേരിൽ ലക്ഷദ്വീപ് എം.പി ക്ക് നേരെ കരിങ്കൊടി കാണിച്ച എൻ.എസ്.യു.ഐ പ്രവർത്തകർ പോലീസ് കസ്റ്റഡിയിൽ. എൻ. എസ്. യു. ഐ അധ്യക്ഷൻ അജാസ്, ജനറൽ സെക്രട്ടറി കബീർ , സെക്രട്ടറി ശുഹൈബ് ഉൾപ്പടെയുള്ളവരെയാണ് പോലീസ് അറസ്റ്റ് ചെയ്തത്.
പ്രതിഷേധക്കാർ എം.പി യെ തടയുകയും അണികളുടെ വിദ്വേഷ പരാമർശത്തെ ചോദ്യം ചെയ്തപ്പോൾ അങ്ങനെ ഒരു പരാമർശം നടത്തിയിട്ടുണ്ട് എങ്കിൽ അയാൾക്കെതിരെ നടപടി എടുത്തിരിക്കും എന്ന് എം.പി പറയുന്ന വീഡിയോയും സോഷ്യൽ മീഡിയയിൽ പ്രചരിക്കുന്നുണ്ട്.