DweepDiary.com | Friday, 22 February 2019

ഫാറൂഖ് കോളേജിൽ ദ്വീപ് വിദ്യാർത്തികളുടെ കൂട്ടായ്മ "ഫിസാ"

In main news / 03 February 2019
കോഴിക്കോട്: ഫാറൂഖ് കോളേജിൽ പഠിക്കുന്ന ലക്ഷദ്വീപ് വിദ്യാർത്ഥികളുടെ കൂട്ടായ്മയായ ഫിസാ (ഫറൂഖ് ഐലന്റ് സ്റ്റുഡന്റസ് അസോസിയേഷൻ) ഫാറൂഖ് കോളേജ് പ്രിൻസിപ്പൽ ഡോ.കെ.എം.നസീർ ഉദ്ഘാടനം ചെയ്തു. ചടങ്ങിൽ പ്രമുഖ സോഫ്റ്റ് സ്‌കിൽ എക്സ്പേർട്ട് മുഹമ്മദ് ഐക്കൻ മുഖ്യപ്രഭാഷണം നടത്തി.
കേരളത്തിലെ എറ്റവും കൂടുതൽ ലക്ഷദ്വീപ് വിദ്യാർത്തികൾ പഠിക്കുന്ന കോളേജുകളിൽ ഒന്നായ ഫാറൂഖ് കോളേജിൽ ഇത്തരം ഒരു കൂട്ടായ്മ അനിവാര്യമാണെന്നും ദ്വീപ് വിദ്യാർത്തികളുടെ കലാ സാംസ്കാരിക പ്രകടനങ്ങൾക്ക് വേദിയൊരുക്കാൻ ഇതിന് സാധിക്കണമെന്നും ഉദ്ഘാടന പ്രസംഗത്തിൽ ഫാറൂഖ് കോളേജ് പ്രിൻസിപ്പൽ ഡോ.കെ.എം.നസീർ പറഞ്ഞു.
ഫിസാ പ്രസിഡന്റ് മുഹമ്മദ് ആഷിക്ക് അധ്യക്ഷ സ്ഥാനം അലങ്കരിച്ച പരിപാടിയിൽ മുഹമ്മദ് റൈഹാൻ പ്രാർത്ഥനയും ഫിസാ സെക്രട്ടറി ഇർഫാൻ മുഹമ്മദ് സ്വാഗത ഭാഷണവും നടത്തി. ഫിസാ അഡ്വൈസർ ഡോ.എം.അബ്ദുൽ ജബ്ബാർ, അൽ ഫാറൂഖ് എഡ്യൂക്കേഷൻ സെന്റർ ഡയറക്ടർ ഡോ.കെ.അബ്ദുൽ റഹീം, ഡോ.അബ്ദുൽ ഹമീദ് എന്നിവർ ആശംസകൾ നേർന്നു സംസാരിച്ചു.
ഉദ്ഘാടനത്തോട് അനുബന്ധിച്ച് ലക്ഷദ്വീപ് വിദ്യാർത്തികളുടെ കലാവിരുന്നും ചടങ്ങിൽ അരങ്ങേറി. ഹീനാ ജലാൽ പരിപാടിക്ക് നന്ദി പറഞ്ഞു.
(Courtesy- aljasari.com)

SHARE YOUR FEEDBACK

RECENT IN THIS CATEGORY