കാലിക്കറ്റ് സർവ്വകലാശാല ജൂബിലി ആഘോഷം ലക്ഷദ്വീപിലും .
തേഞ്ഞിപ്പാലം: കാലിക്കറ്റ് യൂണിവേഴ്സിറ്റിയുടെ ജൂബിലി ആഘോഷങ്ങളുടെ ഭാഗമായി ഫെബ്രുവരി 17,18 തീയതികളിലായി ആന്ത്രോത്ത് പി.എം.എസ്.സി.യൂ. സി യിൽ ആഘോഷ പരിപാടികൾ സംഘടിപ്പിക്കുന്നു. പരിപാടി വൈസ് ചാൻസിലർ ഡോ.കെ.മുഹമ്മദ് ബഷീർ ഉദ്ഘാടനം ചെയ്യും. പ്രോ-വൈസ് ചാൻസിലർ ഡോ.പി.മോഹൻ അധ്യക്ഷത വഹിക്കും. തുടർന്ന് ലക്ഷദ്വീപിനെ പറ്റി ചരിത്രകാരൻ ഡോ.കെ.കെ.മുഹമ്മദ് പ്രഭാഷണം നടത്തും , അലി മണിക്ക്ഫാൻ, നിയമസഭ സ്പീക്കറുടെ പ്രസ് സെക്രട്ടറി ഡോ.പി.ജെ.വിൻസെൻ്റ് എന്നീ പ്രമുഖർ പങ്കെടുക്കുന്നു. തുടർന്ന് ആഘോഷ പരിപാടികൾക്ക് കൊഴുപ്പേകാൻ നാടൻ കലാ പ്രകടനങ്ങളും സംഘടിപ്പിക്കുമെന്ന് ലക്ഷദ്വീപ് യൂണിവേഴ്സിറ്റി സെൻ്ററുകളുടെ ഡീൻ പി.പി.മുഹമ്മദ് അറിയിച്ചു.